एजेन्सी। डिबेट शोमा पुगेकी बलिउड अभिनेत्री स्वरा भास्कर एक पटक पुनः आफ्नो बयानका कारण ट्रोलको शिकार भएकी छिन् । एनआरसी र सिएएको विषयमा चलिरहेको डिबेटमा स्वराले एक प्रश्नको जवाफमा भनिन्, ‘म सन् २०१० मा १५ वर्षकी थिएँ ।’

उनको यो बयानपछि सामाजिक संजालमा उनलाई लगातार ट्रोल गरिँदैछ । स्वरासँग अभिनेता मोहम्मद जीशान अयूब र तिग्मांशु धूलियामा पनि उपस्थित थिए ।

अभिनेत्रीलाई सोधिएको थियो, ‘सन् २०१० मा जब एनपीआरको प्रक्रिया सुरु भयो तब तपाईंलाई समस्या भएन ? ’ यसको जवाफमा स्वराले भनिन्, ‘म सन् २०१० मा १५ वर्षकी थिएँ ।’

त्यसपछि प्रयोगकर्ताले लगातार उनको मजाक उडाइरहेका छन् । विकिपिडियाका अनुसार स्वराको जन्म ९ अप्रिल सन् १९८८ मा भएको थियो ।

स्वरा भास्कर