काठमाडौंः एसिया कप टी–२० को रोडम्यापको उपलब्ध एसीसी ओमानमा जारी एसीसी वेस्टर्न रिजन कपमा साउदी अरबविरुद्ध यूएई १ सय ५० रनमै समेटिएको छ ।

टस जितेर ब्याटिङ रोजेको यूएईले १९ ओभरमा सबै विकेट गुमाएर १ सय ५० रन बनायो । उसका लागि चिराग सुरीले उत्कृष्ट ब्याटिङ गरे । उनले ५५ बलमा ३ छक्का र ६ चौका प्रहार गर्दै ७५ रनको योगदान दिए ।

यस्तै रोहन मुस्तफाले ३२, अंश टन्डनले १४ र अलिशान शराफुले १२ रन बनाए । अन्य खेलाडीले भने दोहोरो अंकमा समेत रन बनाउन सकेनन् । बलिङमा साउदी अरब टीमका अब्दुल वाहिदले घातक बलिङ गरे । उनले ३ ओभरमा १४ रन दिएर ४ विकेट लिए ।

यस्तै अब्दुल वहीदले २, शोएब अली र आदिल बटले एक–एक विकेट लिए । जारी प्रतियोगितामा समूह ‘बी’मा रहेको यूएईले अघिल्ला दुवै खेलमा जित हासिल गरेको छ । साउदी अरबले २ म्याचमा एकमा जित र एक खेलमा हार बेहोरेको छ ।

वेस्टर्न रिजन कप साउदी अरबविरुद्ध यूएई