काठमाडौंः अष्ट्रेलियामा जारी बिग बास लिग (बीबीएल) को फाइनल आज हुँदैछ । फाइनलमा मेलबर्न स्टार्स र सिड्नी सिक्सर्स खेल्दै छन् । मेलबर्न–सिक्सर्सबीचको फाइनल म्याच २ बजेदेखि सिड्नीमा सुरु हुनेछ । आठ संस्करण खेल्दासम्म मेलबर्नले हालसम्म उपाधि जित्न सकेको छैन ।

स्टार्सले यसअघि दुईपटक फाइनलमा स्थान बनाउन सके पनि उपाधि हात पार्न भने असफल रह्यो । गत सिजनमा पनि फाइनल पुगेको स्टार्स मेलबर्न रेनेगेड्सँग पराजित भएको थियो । यता सिक्सर्सले भने एकपटक बीबीएलको उपाधि जितिसकेको छ ।

फाइनल म्याचका लागि मेलबर्न र सिक्सर्सले शुक्रबार नै १३ सदस्यीय टोली घोषणा गरिसकेका छन् । बिहीबार ‘द च्यालेन्जर’मा सिड्नी थन्डरलाई २८ रनले हराउँदै मेलबर्न फाइनलमा पुगेको हो । सिक्सर्सले भने ‘क्वालिफायर’मा मेलबर्नलाई पराजित गर्दै फाइनलमा स्थान बनाउन सफल भयो ।

जारी बीबीएलमा पनि नेपाली लेग स्पिनर सन्दीप लामिछानेले मेलबर्न स्टार्सबाट खेलेका थिए । उनी नेपाल र ओमानसँगको त्रिकोणात्मक वानडे सिरिजका लागि नेपाल फर्किसकेका छन् । सन्दीपले योपटकको बीबीएलमा १३ म्याचमा १५ विकेट लिएका थिए ।

फाइनलका लागि मेलबर्नको टोलीः मार्कस स्टोइनिस, निक म्याडिन्सन, निक लार्किन, ग्लेन म्याक्सवेल (कप्तान), नाथन कल्टर–नाइल, बेन डंक, सेब कोच, पीटर ह्यान्ड्सकम्ब, क्लिन्ट हिन्चलिफ, जोनाथन मेर्लो, हरिस रौफ, डानियल वर्रल र एडम जम्पा ।

फाइनलका लागि सिक्सर्सको टोलीः जोस फिलिप, जेम्स विन्स, सीन एबट, ज्याक्सन बर्ड, बेन द्वारशुइस, जोस हेजलवुड, मोइसेस हेनरिक्स (कप्तान), ड्यान ह्युजेस, नाथन लियोन, स्टिभ स्मिथ, लोयड पोप, स्टिभ ओकिफ र जोर्डन सिल्क ।

बिग बास लिग बीबीएल मेलबर्न स्टार्सविरुसिड्नी सिक्सर्सद्ध