त्रिकोणात्मक सिरिजः अमेरिकाविरुद्ध विनोदको अर्धशतक, नेपाल २ सय रन नजिक
काठमाडौंः आइसीसी विश्वकप लिग–२ को एकदिवसीय त्रिकोणात्मक सिरिज अन्तर्गत अमेरिकाविरुद्धको खेलमा नेपाली टीमका विकेटकीपर–ब्याट्सम्यान विनोद भण्डारीले अर्धशतक बनाएका छन् । उनले ६२ बलमा ५ चौका र १ छक्का प्रहार गर्दै अर्धशतक बनाएका हुन् ।
अन्तर्राष्ट्रिय एकविदसीय क्रिकेटमा विनोदको यो पहिलो अर्धशतक हो । टस हारेर ब्याटिङको मौका पाएको नेपालले यो समाचार तयार पार्दासम्म ४७ ओभरमा ८ विकेट गुमाएर १ सय ८१ रन बनाएको छ ।
अमेरिकाविरुद्ध नेपालको प्लेइङ ११ः ज्ञानेन्द्र मल्ल (कप्तान), सुवास खकुरेल, आरिफ शेख, दीपेन्द्र सिंह ऐरी, अविनाश बोहरा, विनोद भण्डारी (विकेटकिपर), करण केसी, पारस खड्का, कुशल मल्ल, सुशन भारी, र सन्दीप लामिछाने ।
त्रिकोणात्मक सिरिज विनोद भण्डारी
