एजेन्सी। कोरोना भाइरसको संक्रमणको डरले हलिउडकी चर्चित गायिका माईली साइरस वासिङ् मेसिनभित्र लुकेकी छिन ।  

माईलीले आफुलाई वासिङ मेसिन भित्र बन्द गरेको भिडियो हाल सामाजिक सञ्जालमा भाइरल बनेको छ। भिडियोको सुरुमा उनलाई खोज्दै आएका कोही ‘तपाई कहाँ हुनुहुन्छ ?’ भनिरहेको देखिन्छ । र कोठमा भिडियोमा वासिङ मेसिन देखिन्छ । त्यसभित्र माइली सेतो ब्ल्याङकेटमा बसिरहेकी हुन्छिन् ।

भिडियो हेर्दा के अनुमान लगाउन सकिन्छ भने माईलीलाई पनि कोरोना फोबियाले सताईरहेको छ । कुनै न कुनै कारणले चर्चामा आइरहने माईली यसअघि पनि सम्बन्धविच्छेदका कारण चर्चामा थिइन् । विवाहको आठ महिनापछि उनी र अभिनेता लियाम हेम्सवर्थबीच सम्बन्धविच्छेद भएको थियो ।

उसो त, माइली साइरस विश्व चर्चित गायिका हुन् । उनको स्टाइल र गायन औधी मन पराउने गरिएको छ । यसका अतिरिक्त माइलीले अभिनयबाट पनि धेरैको मन जितिसकेकी छिन ।  

 

#Miley Cyrus#