काठमाडौँ। सञ्चारकर्मी फूलमान बलद्वारा निर्देशित चलचित्र 'निरफूल' को रिलिज डेट चैत ७ गतेलाई तोकिएको छ। आगामी फागुन ३० का लागि रिलिज डेट तोकिएको भए पनि म यस्तो गीत गाउँछु–२ बलिउड चलचित्र बाघी–३ का कारण फागुन ३० मा सरेपछि चैत ७ गते रिलिजमा ल्याइन लागेको हो

‘नेपाली चलचित्र उद्योगमा आपसी सहकार्यको संस्कार विकास होस् भन्ने हाम्रो चाहना हो’, निर्देशक बल भन्छन्– ‘हातेमालो गरेर अघि बढे सबैलाई राम्रो हुन्छ भनेर हामी एक साता पछाडि सरेका हौं।’ चलचित्रको ट्रेलर सोमबार सार्वजनिक हुँदै छ।

भूकम्पमा परी बिछोडिएको परिवारले पुनर्मिलनका लागि गर्ने संघर्षमा आधारित चलचित्रमा दयाहाङ राई, बुद्धि तामाङ, रेखा थापा, शान्ति वाइबा, जिग्मे छ्योइकी, पुष्कर गुरुङ, राजन खतिवडा, सरिता गिरी, सरोज अर्याल, कृष्णभक्त महर्जन, रोशन फ्युबालगायतले अभिनय गरको छन्।

चलचित्रमा पटकथा सचिन घिमिरे र निर्देशक बलको रहेको छ भने सचिन एसोसिएट निर्देशकका रूपमा पनि छन्। प्रमोद कार्कीको छायांकन, अर्जुन पोखरेल र चन्द्रकुमार दोङको संगीत रहेको फिल्मको सम्पादन निमेष श्रेष्ठले गरेका छन्।

निरफुल