एजेन्सी । यस हप्ताको शनिबार 'द कपिल शर्मा शो' मा खास अतिथि आउने भएका छन । पुराना यादलाई ताजा बनाउने उदेश्यले यस हप्ताको शो मा रामानंद सागरको सिरियल रामायणका स्टार्स  अरुण गोविल, दीपिका चिखलिआ र सुनील लहरी आउनेछन। 

रामानंद सागरको सिरियल रामायण जनवरी १९८७ देखि १९८८ जुलाईसम्म चलेको थियो जुन सिरियललाई दर्शकहरुले अत्याधिक मन पराएका थिए । हुन् त पछि केहि प्रोडक्सन हाउसले रामायणमा आधारित सिरियल नबनाएका भने होइनन तर रामानन्द सागरको रामायण जति हिट भने हुन सकेन। 

यस हप्ताको कपिल शर्माको शो मा अरुण गोविल, दीपिका चिखलिआ, सुनील लहरी र प्रेम सागर प्रमुख अतिथिको रुपमा देखिंदै छन । यसै शो मार्फत रामायणका स्टारहरुले रामायणको बारेमा कुरा गर्नेछन र रामायणपछि कसरी आफ्नो जीवन परिवर्तन भयो त्यो पनि बताउनेछन । उनीहरुले पर्दामा भगवानको भूमिका निर्वाह गरेपश्चात पाएको प्रसिद्धि र पुर्वप्रधानमन्त्री राजीव गान्धीले  दिल्लीमा बोलाएर गरेको सम्मानको पनि स्मरण गर्नेछन।  

अरुण गोविल, दीपिका चिखलिआ र सुनील लहरीको रामायणका कारण देशभर आफ्नो पहिचान राख्न सफल भएका हुन्।

 

रामायण