काठमाठौंः थाइल्याण्डमा जारी एसीसी इस्टर्न रिजन टी–२० कप अन्तर्गत सिंगापुरविरुद्ध मलेसिया १२८ रनले पराजित भएको छ । सिंगापुरले दिएको २ सय ४० रनको लक्ष्य पछ्याएको मलेसियाले १५.१ ओभरमा सबै विकेट गुमाएर १ सय ११ रन मात्र बनाउन सक्यो ।

उसका लागि अहमद फैज मोहम्मद नूरले सर्बाधिक २५ रन बनाए । बलिङमा सिंगापुर टीमका अनन्त कृष्णले सर्बाधिक ४ विकेट लिए । यसअघि टस जितेर पहिला ब्याटिङ गरेको सिंगापुरले निर्धारित २० ओभरमा ३ विकेट गुमाएर २ सय ३९ रन बनायो ।

उसका लागि सिद्धान्त र टिम डेविडले विस्फोटक ब्याटिङ गरे । डेविडले ३२ बलमा ९ चौका र ७ छक्का हिर्काउँदै अविजित ९२ रनको योगदान दिए । सिद्धान्तले ५० बलमा ४ छक्का र ६ चौका प्रहार गर्दै ७७ रन बनाए । यस्तै सुरेन्द्र चन्द्रमोहन ४७, आर्यमान सुनील उचिल १६ रनमा आउट भए ।

बलिङमा मलेसिया टीमका तीन बलरले एक–एक विकेट हात पारे । मलेसियालाई हराएसँगै जारी प्रतियोगितामा सिंगापुरले दोस्रो जित हासिल गरेको छ । मलेसियाले तीन म्याच खेल्दा २ मा जित र एक खेलमा हारको सामना गरेको छ । तालिकाको शीर्ष २ मा पुग्ने टोली एसिया कप छनोट खेल्न पाउने छन् ।

इस्टर्न रिजन टी–२० सिंगापुरविरुद्ध मलेसिया