टिजरमा यस्तो देखियो 'प्रेमगीत ३' (टिजरसहित)
काठमाडौँ । यस वर्षकै बहुप्रतिक्षित चलचित्र ‘प्रेमगीत ३’ को टिजर सार्बजनिक भएको छ । २ सय बर्ष अगाडीको प्रेमकथा बोकेको चलचित्रमा प्रदीप खड्का र क्रिष्टिना गुरुङ मुख्य भूमिकामा रहेका छन ।
आसुसेन फिल्म्स प्रोडक्सनको ब्यानरमा निर्माण भएको चलचित्रलाई सन्तोष सेन र छेतेन गुरुङले संयुक्त रुपमा निर्देशन गरेका हुन् । चलचित्रमा शिव श्रेष्ठ, सुनिल थापा, सन्तोष सेन, माओत्से गुरुङ, मनिष राउत, पुस्कर कार्की, प्रेम पुरी, लक्ष्मी वर्देवा, अनुभव रेग्मी, योगिशा खत्री, सम्वृद्धि शाही ठकुरी, क्रिजन गौतम, जीवन बराल, जीवन भट्टराई, सुजल बस्नेत लगायतका कलाकारको अभिनय रहेको छ ।
कल्याण सिंह र एलिश कार्कीको संगीत रहेको फिल्ममा राजेश श्रेष्ठले डिओपी, हिमाल केसीले एक्सन, कविराज गहतराजले कोरियोग्राफी र बनिश शाह, भूपेन्द्र अधिकारीले सम्पादनको काम सम्हालिरहेका छन् । फिल्म घोषणा संगै यसको ठुलो निर्माण बजेट र २०० वर्ष पुरानो सेटिंगको कारण चर्चामा आएको थियो । फिल्मको केहि अंशको छायांकन काठमाडौँ मै भब्य शेट बनाएर गरिएको थियो भने बाँकी छायांकन उपल्लो मुस्तांगमा गरिएको हो ।
फिल्म चैत २८ गते रिलिज हुनेछ ।
#प्रेमगीत ३ #टिजर
