काठमाडौ– बलिउडका नायक सलमान खान कोरोनाभाइरसका कारण प्रभावित भएका छन् । सलमान खानको शुटिङ्ग भइरहेको चलचित्र राधे को शुटिङ्ग कोरोनाभाइरसका कारण रोकिएको छ ।

राधे चलचित्रको शुटिङ्गको अन्त्य–अन्त्य तिर आइपुग्दा कोरोनाभाइरसबाट सतर्क रहन चलचित्र निर्माताले शुटिङ्गलाई केहि समयको लागि रोकेका छन् ।

भारतीय संचार माध्यममा आएको समाचार अनुसार राधे चलचित्रको थाईल्याण्डको सेड्युल केहि समयलाई रोकिएको छ । भारतमा शुटिङ्ग गरिरहेको राधे चलचित्रको टिम यहि हप्ता थाईल्याण्ड जाने तयारी थियो तर कोरोनाभाइरसको त्रासले सतर्कता अपनाउदै अहिले उक्त सेड्युल रोकिएको छ ।

सलमान खान सहितको टोली थाईल्याण्ड तर्फ प्रस्थान गर्ने तयारी अब केहि समय पश्चात मात्र हुनेछ । थाईल्याण्ड सरकारले समेत सतर्कता अपनाउन पर्यटकहरुलाई आग्रह गरे संगै सबै कार्यक्रमहरु रोकिएका हुन् । प्रभुदेवाको निर्देशनमा काम गरेको सलमान खानको यो तेस्रो चलचित्र हो ।