एजेन्सी । टाइगर श्राफ र श्रद्धा कपूर स्टरार चलचित्र 'बागी ३' आज अर्थात्  मार्च ६ देखि देशभरको सिनेमाघरहरुमा रिलिज भएको छ । अहमद खानद्वारा निर्देशित चलचित्र स्टन्ट सिन्सका कारण पहिलेदेखि नै चर्चामा थियो । तर रिलिज भएको पहिलो दिनमै चलचित्र अनलाइन लिक भएको  छ।

'बागी' को सिक्वेल रहेको चलचित्रमा दिशा पाटनी पनि अतिथि भूमिकामा रहेकी छिन यसका अलावा चलचित्रमा रितेश देशमुख, अंकिता लोखंडे, आशुतोष राणा जस्ता कलाकारहरुको अभिनय रहेको छ । 

चलचित्रको लिक अनलाईन पाईरेसी वेबसाईट तमिल रकर्सले गरेका हुन् । तमिलरकर्सले फिल्मलाई फ्रि मा डाउनलोड गर्नका लागि एचडी प्रिन्टमा अनलाईन लिक गरेको हो । यो भन्दा पहिले पनि तमिलरकर्सले थप्पड़', 'छपाक', 'दबंग 3', 'केसरी', 'भारत'  जस्ता चलचित्र अनलाईन लिक गरिसकेको छ । जसको प्रत्यक्ष प्रभाव चलचित्रको कमाईमा पर्न गएको थियो। 

करिब ७० करोडको लागतमा निर्माण भएको 'बागी ३' लाई दर्शक तथा समिक्षकले राम्रो प्रतिक्रिया दिइरहेका छन । हेरौं लिक चलचित्रले आउने दिनहरुमा कतिको उधुम मच्चाउन सक्छ । 

 

अनलाईन लिक बागी ३