काठमाडौंः भारतमा जारी डीवाई पाटिल टी–२० क्रिकेट कपको फाइनलमा पनि रिलायन्स–१ बाट खेलिरहेका हार्दिक पाण्ड्याले बीपीसीएल टिमविरुद्ध शानदार शतक बनाएका छन् । उनले ३९ बलमा १४ छक्का र २ चौका प्रहार गर्दै शतक बनाएका हुन् । 

कम्मरको अप्रेशनपछि क्रिकेटमा फर्किएका उनले जारी प्रतियोगितामा शानदार प्रदर्शन गरिरहेका छन् । यही प्रतियोगितामा हार्दिकले सीएजीविरुद्ध ३९ बलमा १० छक्का र ८ चौका हिर्काउँदै १०५ रन बनाएका थिए ।

उत्कृष्ट लयमा देखिएका हार्दिक दक्षिण अफ्रिकासँगको तीन खेलको वानडे सिरिजमा टीममा फर्किने सम्भावना बलियो छ ।

पूर्णरुपमा फिट नभएका कारण उनले न्यूजिल्याण्डसँगको भ्रमण गुमाएका थिए । पछिल्लो समय भारतीय टीम खराब लयमा देखिएको छ । हार्दिक फिट भएसँगै भारतीय टीमलाई अब केही राहत महसुस हुनेछ ।   

हार्दिक पाण्ड्या डीवाई पाटिल टी–२० क्रिकेट कप