काठमाडौंः आइसीसी टी–२० महिला विश्वकप क्रिकेटको उपाधिकाका लागि भइरहेको खेलमा भारतविरुद्ध घरेलु टोली अष्ट्रेलियाले उत्कृष्ट सुरुवात गरेको छ ।

टस जितेर ब्याटिङ रोजेको अष्ट्रेलियाले ६ ओभको खेल सकिँदा बिनाविकेट ४९ रन बनाइसकेको छ । उसका लागि ओपनर एलिसा हेली ३० र बेथ मोनी १९ रन बनाएर खेलिरहेकी छन् ।

अष्ट्रेलिया महिला टिमले हालसम्म ४ पटक टी–२० विश्वकपको उपाधि हात पारिसकेको छ । ऊ गत संस्करण विश्वकपको विजेता टिम पनि हो । भारतले भने हालसम्म टी–२० महिला विश्वकप क्रिकेटको उपाधि जित्न सकेको छैन ।

भारतीय टिम सेमिफाइनल म्याच नखेलेर फाइनलमा स्थान बनाउन सफल भयोे । सेमिफाइनलमा इंग्ल्याण्डसँगको म्याचमा वर्षा बाधक भनेपछि भारत समूह चरणमा सबै खेल जितेको आधारमा फाइनलमा प्रवेश गरेको हो ।

अष्ट्रेलिया भने समूह चरणमा दक्षिण अफ्रिकालाई पराजित गर्दै फाइनलमा स्थान बनाउन सफल भयो । विश्वकपको फाइनलमा अष्ट्रेलियाको टिममा मेघ ल्यानिङ र भारतीय टोलीमा हरमनप्रीत कौर कप्तान रहेकी छिन् ।

भारतविरुद्ध अष्ट्रेलिया टी–२० महिला विश्वकप