काठमाडौंः आइसीसी टी–२० महिला विश्वकप क्रिकेटको फाइनलमा भारतविरुद्ध अष्ट्रेलिया टिमकी ओपनर एसिया हेलीले शानदार ब्याटिङ गरेकी छिन् । उनले फाइनलमा भारतविरुद्ध ३९ बलमा ५ छक्का र ७ चौका प्रहार गर्दै ७५ रनको विस्फोटक पारी खेलिन् ।  

जारी विश्वकपमा हेलीको यो तेस्रो अर्धशतक हो । हेली अष्ट्रेलियन लोकप्रिय बलर मिचेल स्टार्ककी श्रीमती पनि हुन् । स्टार्क दक्षिण अफ्रिकासँगको वानडे सिरिजको अन्तिम म्याच नखेलेरै विश्वकप फाइनलमा श्रीमतीको म्याच हेर्न स्वदेश फर्किएका थिए । उपाधिका लागि भइरहेको खेलमा अष्ट्रेलियाले उत्कृष्ट सुरुवात गरेको छ ।

टस जितेर ब्याटिङ रोजेको अष्ट्रेलियो १२ ओभरमा एक विकेट गुमाएर १ सय १७ रन बनाएको छ ।अष्ट्रेलिया महिला टिमले हालसम्म ४ पटक टी–२० विश्वकपको उपाधि हात पारिसकेको छ । ऊ गत संस्करण विश्वकपको विजेता टिम पनि हो ।

भारतले भने हालसम्म टी–२० महिला विश्वकप क्रिकेटको उपाधि जित्न सकेको छैन । भारतीय टिम सेमिफाइनल म्याच नखेलेर फाइनलमा स्थान बनाउन सफल भयोे । सेमिफाइनलमा इंग्ल्याण्डसँगको म्याचमा वर्षा बाधक भनेपछि भारत समूह चरणमा सबै खेल जितेको आधारमा फाइनलमा प्रवेश गरेको हो ।

अष्ट्रेलिया भने समूह चरणमा दक्षिण अफ्रिकालाई पराजित गर्दै फाइनलमा स्थान बनाउन सफल भयो । विश्वकपको फाइनलमा अष्ट्रेलियाको टिममा मेघ ल्यानिङ र भारतीय टोलीमा हरमनप्रीत कौर कप्तान रहेकी छिन् ।

टी–२० महिला विश्वकप क्रिकेट भारतविरुद्ध अष्ट्रेलिया