नेपाल लाइफ इन्स्योरेन्स कम्पनी लिमिटेडको बीमा शुल्क (प्रिमियम) विभिन्न डिजिटल पेमेन्ट सिस्ट्मबाट भुक्तानी सुविधा दिँदै आएकोमा अबकनेक्ट आइपिएस मार्फत पनि अनलाईन   भुक्तानी गर्न सकिने छ । कनेक्ट आइपिएसमा आवद्ध कुनै पनि बैंकको खाता मार्फत घरमै बसी बसी आप्नो बीमा शुल्क भुक्तानी गर्न सकिने छ । 

कम्पनीको शाखा÷उपशाखा कार्यालयमा गई आप्नो प्रिमियम भुक्तानी गर्दै आउनुभएका सेवाग्राहीहरुले अब सहज र सरल तरिकाबाट कनेक्ट आइपिएस डिजिटल पेमेन्ट सिस्ट्म   मार्फत अनलाईन भुक्तानी गर्न सक्नुहुनेछ । जुनसुकै समयमा जहाँसुकैबाट अनलाईन भुक्तानी गर्न सकिने यो सेवाले बीमितहरुको समयको बचत हुने कम्पनीले जनाएको छ ।

नेपाल लाइफले अन्य विभिन्न डिजिटल पेमेन्ट सिस्ट्मबाट पनि बीमा शुल्क भुक्तानीको व्यवस्था गर्दै जाने विज्ञप्तीमा उल्लेख गरेको छ ।