प्रचण्ड भन्दा केही समय अघि किन आईन अभिनेत्री भाग्यश्री नेपालमा ?
भारतीय अभिनेत्री भाग्यश्री शनिवार नेपाल आएकी छिन् । चार दिने भारत भ्रमणमा रहेका नेपालका प्रधानमन्त्री पुष्पकमल दाहाल स्वदेश फर्कनु एकछिन अघि उनी नेपाल आईपुगेकी हुन।
शनिबार दिउँसो त्रिभुवन अन्तर्राष्ट्रिय विमानस्थलमा अवतरण गरेकी उनी काठमाडौंमा आयोजना हुने भारतको प्रतिष्ठित अवार्ड ‘क्याप्टिभेटिङ क्रियसन अवार्ड’मा सहभागी हुन आएकी हुन। उनले विमानस्थलमा सञ्चारकर्मीसँग कुराकानी गर्दै परिवारसहित नेपाल आउन मन लागेपनि त्यो सपना अहिलेसम्म पुरा नभएको वताईन।
‘म नेपाल पहिले पनि आएकी थिएँ, मैले कुनै चाडपर्वको समयमा सपरिवार यहाँ आउने सोच बनाएकी छु’ उनले भनिन्, ‘मेरा चलचित्र आइरहेका छन्, हेरेर माया गरिदिनुस् ।’
उनीसँगै भारतीय कलाकार रञ्जीन, विन्दु दाह्रा सिंह, कमेडियन ध्वनी पवारलगायत नेपाल आइसकेका छन् ।
अहिले उक्त अवार्डको यो छैटौँ संस्करण चलिरहेको छ। यसअघि भारतमा आयोजना भएको अवार्ड समारोह यसपटक भने नेपालमा आयोजना हुँदै छ ।
