कात्तिक – १८ । सुनसरी भोजपुरबाट प्रहरीले हातहतियासहित तीनजना व्यक्तिलाई पक्राउ गरेको छ । उनीहरुलाई प्रहरीले इटहरीको भोजपुरे होटेलमा गोली चलाएको आरोपमा पक्राउ गरेको हो । पक्राउ पर्नेमा नेपालडाँडा ९ का १७ वर्षीय हरि प्रसाद बिष्ट, उदयपूर त्रियुगा बस्ने २७ वर्षीय प्रशान्त कार्की र मोरङ बिराटनगर १७ बस्ने १६ वर्षीय अंकीत कुमार रहेका छन् । उनीहरुको साथबाट प्रहरीले १ थान पेस्तोल, सोको म्यागजिन २ थान गोली, ५ राउण्ड गोलीकोे सिसा, ५ थान खोका र १ थान छुरी फेला पारेको छ । गत १६ गते राति उपमहानगरपालीका— २४ स्थित भोजपरे होटेल एण्ड लजमा झगडा हुँदा गोली चलेको थियो । गोली चल्दा लजका संचालक जेबी राईको बायाँ छातिको साईडमा १ राउण्ड, कोखामा १ राउण्ड, कम्मर पेटी लाईनमा १ राउण्ड गोली प्रहार भएको थियो । सोही होटलमा रहेका अर्का एक ब्यक्ति बिगत २ महिना देखि काठको व्यवसाय गर्ने धनकुटा चसुवा–५ बस्ने ५० बर्षीय तोर्ण बहादुर पौडलको पाखुरामा ३ राउड गोली प्रहार भएको थियो । घाइतेहरुको उपचारको धरान घोपामा उपचार भइरहेको प्रहरीले जनाएको छ । घटनास्थलबाट प्रहरीले १ थान मोवाईल, सानो चाईनिज पेस्तोलको खोका ४ थान र सोको म्याग्जिन १ थान बरामद गरेको थियो । घटनापछि फरार व्यक्तिहरुको खोजतलास गर्नेक्रममा प्रहरीले उनीहरुलाई बुधबार उक्त हतियार सहित पक्राउ गरेको हो ।

bhojpur hatkadi Pakrau