कात्तिक - २८ । नेकपा (माओवादी) को बन्दको कारण सवारी साधन सामान्य रुपमा चलेपनि धितोपत्र बजारमा भने त्यसले अाइतबार कुनै प्रभाव नपारेको पाइएको छ । नेपाल स्टक एक्चेन्जकाअनुसार निरन्तर ओरालो लाग्दै आएको नेप्से परिसूचक अाइतबार भने २.८३ अङ्कले बढेर एक हजार ७०० बिन्दुमा पुगेको छ । गत साता करिब ५२ अङ्कले घटेर एक हजार ६९६ बिन्दुमा रोकिएको बजार सामान्य रुपमा बढेको स्टकले जनाएको छ । कुल १३७ कम्पनीको आठ लाख ६२ हजार २६९ कित्ता सेयर रु ७३ करोड २१ लाख ४५ हजार ४०० मा खरिदबिक्री भएको छ । होटल र जलविद्युत् समूहको सेयर ओरालो लागेपनि अन्य समूहको भने सेयर उकालो लागेपछि बजारमा सकारात्म्क प्रभाव परेको स्टकले जनाएको छ । होटल ०.५९ र जलविद्युत् समूह ०.२३ प्रतिशतले घट्दा बैंक ०.१७, विकास बैंक ०.०६, फाइनान्स ०.४२, बिमा ०.४४ र अन्य समूह ०.०८ प्रतिशतले उकालो लागेको हो । अाइतबार सबैभन्दा बढी एभरेष्ट बैंकको रु २० करोड ४३ लाख बराबरको सेयर किनबेच भएको छ ।

nepse Strike today nepal stock exchange