जेठ ६, आज सुनको भाउ रु दुई सयले घटेको छ । हिजो प्रतितोला रू. ५६ हजार दुई सयमा कारोबार भएको सुन दुई सय घटेर बिहीबार ५६ हजारमा कारोबार भइरहेको नेपाल सुनचाँदी व्यवसायी महासङ्घले बताएको छ । बिहीबार छापावाला सुन प्रतितोला रू. ५६ हजार र तेजावी सुन प्रतितोला रू. ५५ हजार सात सय ५० मा कारोबार भइरहेको छ । त्यस्तै, चाँदीमा भने पाँच रूपैयाँ घटेको छ । बुधबार चाँदी प्रतितोला रू. सात सय ८५ मा कारोबार भएको थियो भने बिहीबार चाँदी प्रतितोला सात सय ८० मा कारोबार भइरहेको महासङ्घले बताएको छ ।