असार - १० । बेलायत इयुबाट अलग हुने जनमत संग्रहको परिणाम अाए लगतै वित्तिय क्षेत्रमा व्यापक प्रभाव पारेको छ लन्डन स्टक मार्केट अन्तर्गत शेयरको मुल्यमा ८ प्रतिशतको गिरावट आएको छ । लन्डन स्टक एक्सचेन्जको सूचीमा रहेको १०० ठूला कम्पनी ‘फुटसी’का मूल्यमा ५०० अंकको गिरावट आएको बिबिसीले जनाएको छ । बेलायती बैंकहरु बारक्लिज़ र आरबिएसको सेयर मूल्यमा ३० प्रतिशतको गिरावट आएको पनि बिबिसीले जनाएको छ । समग्र अर्थतन्त्रमा प्रभाव पार्ने कुनै घटनाले वित्तिय क्षेत्रमा यस्ता प्रभाव पार्ने गर्छन् । इयूबाट छुट्टिने मत परिणाम देखिन साथ पाउण्डको मूल्य २५ वर्षपछि सबैभन्दा कम भएकाे छ ।  सन १९८५ पछि पाउण्डको मूल्यमा यतिधेरै गिरावट आएको यो पहिलो पटक हो । अमेरिकी डलरको तुलनामा बेलायती पाउण्डको मुल्य १० प्रतिशतसम्मले घटेको छ । युरोको तुलनामा पाउण्डको मूल्यमा ७ प्रतिशतको गिरावट आएको छ । उता युरोको मूल्य पनि डलरको तुलनामा ३।३ प्रतिशतले झरेको छ । 

dolor pound uro