भदौ – ६ । अख्तियार दुरुपयोग अनुसन्धान आयोगले दरबारमार्गस्थित रेडकार्पेट रेस्टुरेन्टबाट घुस दिदादिदै रंगेहात दुईजनालाई पक्राउ गरेको छ । उनीहरुले अख्तियारका कर्मचारीलाई मुद्दा मिलाई दिनका लागि घुस दिन खोज्दा आयोगका कर्मचारीले पक्राउ परेका हुन् । आयोगले उनीहरुलाई नगद १० लाख सहित पक्राउ गरेको हो । पक्राउ पर्नेमा सोनाम छिरिङ शेर्पा र उनका छोरा सोनाम हाङ छिरिङ शेर्पा रहेका छन् । बुबा सोनाम बुद्ध एकेडेमी आवासीय माध्यामिक विद्यालयका पूर्वअध्यक्ष हुन् । सोनामविरुद्ध अख्तियार दुरुपायोग अनुसन्धान आयोगमा मुद्दा रहेको र सो मुद्दा मिलाइदिन भन्दै बारमबार उनली अख्तियारका कर्मचारीलाई घुस दिन प्रलोभन देखाउँदै आएका थिए । अख्तियारले योजना बनाएर सोनाम र छोर हाङ छिरिङलाई पक्राउ गरेको हो ।

akhatiyar Redcarpet