२१औं शताब्दिको ए, नारी अब तिमीले युगान्तकारी पदचापहरु पहिल्याउनु पर्छ तिम्रो आफ्नो समानताको लागि एउटा युगान्तकारी इतिहास बनाउनु पर्छ नचाहेरै पनि तिमीले एउटा युद्धको शंखघोष गर्नैपर्छ किन कि जुठोचुलो र घरधन्दा तिम्रो पेवा होइन । घर आगन र करेसा मात्र तिम्रो भुगोल होइन । घाँस दाउरा र मेलापात तिम्रो दाईजो होइन । चार दिवालको संघार भित्र पिँजडाको सुगा होइन । सन्तानप्रतिकोे जिम्मेवारी तिम्रो मात्र होइन । पुरुष मात्र तिम्रो भाग्यको खुशी होइन । किन कि ! आधा आकाश ढाक्ने तिमी नारी ! संसारको युग हाक्ने तिमी नारी हिम्मत र आँट भएकी तिमी नारी !! ओजश्वी हुन सिक यो पक्षपाती समाजसँग तेजश्वी हुन सिक । सबै भ्रमहरु चिरेर तिमी अघि बढ्नु पर्छ । जे हुन्छ हुन देऊ चिन्ता लिन छोड कुरिती र कुसंस्कारलाई आजै बाट छोड । कहाँ पुगे संसारका ती नारीहरु विश्व फर्किएर हेर तिम्रो यो जिन्दगी ! घरधन्दामा नजाओस खेर । त्यसैले हे नारी तिमीले एउटा इतिहास बनाउनै पर्छ . जहाँ तिम्रो हरेक पाइलाहरुमा तिम्रो पद्चापहरु नमेटिउन् ।।। –भावना घिमिरे, विराटनगर