असोज – ११ । तमलोपा अध्यक्ष महन्थ ठाकुरको घरमा चोरी गरी फरार व्यक्तिलाई महानगरीय अपराध महाशाखा, काठमाडौंले पक्राउ गरेको छ । अध्यक्ष ठाकुरको निवास भक्तपुर, सानोठिमीबाट गत भदौ २४ गते दुई अपरिचित व्यक्तिले विफ्रकेश चारी गरी परार रहेका थिए । चोरी गरेर फरार सर्लाही जिल्ला पिडाडी गाविस – ३ का २३ वर्षीय रञ्जित गुप्ता र महोत्तोरी जिल्ला मेघनाथ घोरन्ना – ४ का ३२ वर्षीय ’प्रमानन्द’ भन्ने प्रचण्ड प्रताप सिहंलाई फकाउ गरेको प्रहरीले जनाएको छ । चाेरले ठाकुरको छोरी डा. मिनाक्षी ठाकुर(झा)लाई खुकुरीले आक्रमण गरी घाइते बनाएका थिए । भाग्ने क्रममा मिनाक्षीकाे अाँखामा रन्जित प्रसाद गुप्ताले आफ्नो पहिचान नखुलोस भनेर खुर्सानीको धुलो समेत हाली फरार रहेकाे अनुसन्धानबाट खुलेको प्रहरीले जनाएकाे छ । पक्राउ भएका दुवैले योजना बनाएर चोरी गरेका प्रहरीकाे प्रारम्भिक अनुसन्धानबाट खुलेकाे छ । चोरीबाट प्राप्त रकम एकआपसमा वाँडफाँड गरी खाने योजना बनाएको प्रहरीले जनाएको छ । महानगरीय अपराध महाशाखा, काठमाडौंले दुबैलाई थप अनुसन्धानको लागि महानगरीय प्रहरी वृत्त, सानोठिमी भक्तपुर पठाएको छ ।

kathmandu Mahanta Thakur Metropolitan Crime Division