पुस–१७ । धितोपत्र बजारमा नेप्से परिसूचक २२ अङ्कले बढेर एक हजार ४६६ बिन्दुमा पुगेको छ । लगातार घट्दै आएको बजार आर्इतबार बजार खुल्ने बित्तिकै उकालो लागेको नेपाल स्टक एक्सचेन्जले जनाएको छ । स्कटकाअनुसार आर्इतबार रु ५७ करोड ३३ लाख ५० हजार बराबरको दश लाख आठ हजार ४०६ कित्ता सेयर खरिद बिक्री भएको छ । बैंक, होटल, विकास बैंक, जलविद्युत् तथा बिमा समूहको सेयर उकालो लाग्दा फाइनान्स र उत्पादन समूहको सेयर भने ओरालो लागेको छ । स्टककाअनुसार नेपाल टेलिकमको प्रतिकित्ता रु ६९८ मूल्यमा नौ करोड ४२ लाख चार हजार कित्ता सेयर खरिदबिक्री भएको थियो । लगातार ओरालो लाग्दै आएको बजारमा बढोत्तरीले लगानीकर्तालाई राहत दिएको स्टकले जनाएको छ । रासस

नेप्से परिसूचक सेयर बजार