आइजीपीको दौडमा लागेका आफ्नै सहकर्मी खुइल्याउन मिडियामा नियोजित हंगामा
नेपाल प्रहरीको नयाँ नेतृत्व महानिरीक्षक चयनको म्याद नजिकदै गर्दा प्रहरीमा तिब्र प्रतिस्पर्धा र विवाद बढेको छ । हालका प्रहरी महानिरीक्षक (आईजीपी) उपेन्द्रकान्त अर्यालको कार्यकाल फागुन २ गते सकिदै छ । २०४४ सालमा प्रहरी निरीक्षकको रुपमा सेवामा प्रवेश गरेका र हाल डिआइजी रहेकाहरुबाट नै नेपाल प्रहरीको २५औँ महानिरीक्षकको चयन हुने पक्कापक्की भएको छ । नियमअनुसार नेपाल सरकारले एआइजी मध्येबाट आइजीपी बनाउनुपर्ने भए पनि उपेन्द्रकान्तसँग एउटै ब्याचका एआइजीहरु भएकाले अर्यालसँगै सबै एआइजी घरजाने अवस्था छ । र, यसको सोझो फाइदा डीआइजीहरुलाई हुनेछ । हाल नेपाल प्रहरीमा प्राविधिकतर्फ बाहेक २७ जना डीआइजी छन् । अब यिनै डीआइमध्येबाट आइजीपी बन्ने सम्भावना देखिन्छ । एआइजी नभए डीआइजीमध्ये उत्कृष्टलाई आइजीपी बनाउन सक्ने नियमावलीमा व्यवस्था छ । अहिले नेपाल प्रहरीको नेतृत्व सम्हाल्न चार डीआइजीबीच प्रतिस्पर्धा चलिरहेको छ । डीआइजीको रोलक्रममा एक नम्बरमा रहेका नवराज सिलवाल, दुई नम्बरमा रहेका प्रकाश अर्याल, तीन नम्बरमा रहेका जयबहादुर चन्द र चार नम्बरमा रहेका बमबहादुर भण्डारी आगामी आइजीपीको दाबेदार हुन् । यी चार जना डिआइजीहरु आईजीपी दौडमा सामेल भएपछि अस्वस्थ प्रतिस्पर्धा चलिरहेको जानकारहरु बताउँछन् । पछिल्लो १५ दिनभित्र विभिन्न मिडियाहरुमा आएका समाचारहरुले यो कुराको पुष्टि गरेको छ । मिडियामा अहिले आईजीपीको मैदानमा रहेक ४ जनाविरुद्ध विभिन्न किसिमका चरित्र हत्या हुने समाचार आएको छ । यस्तो समाचार यो समयमा आउनु भनेको प्रायोजित रुपमा एकले अर्काको चरित्र हत्या गर्न चालिएको चाल हुनसक्ने प्रहरी अधिकारीहरु बताउछन् । यस्तो समाचार प्रतिस्पर्धामा रहेका चार जनाले एकको विरुद्ध अर्कोलाई प्रहार गर्न सम्प्रेसण गराइको जानाकार बताउँछन् । ‘अर्कोलाई लडाएर आफूमाथी उठ्न अहिले यस्तो समाचार आएको हो ।’ प्रहरीस्रोतले भन्यो । बताइए अनुसार नवराज सिलवाल, प्रकाश अर्याल र जयबहादुर चन्द विवादमा मुछिएका छन् । विवाद ल्याएर एकले अर्कालाई दोष देखाइ आफ्नो लागि पद सुरुक्षित राख्न चालिएको दाउ हुनसक्ने जानकारहरुले बताउँछन् ।
यस्तो छ पछिल्लो समय आएका विवाद नवराज सिलवाल आईजीपी सूचीको एक नम्बरको रोलक्रममा परेपनि विवादमुक्त भने छैनन् । उनीविरुद्ध अख्तियारमा मुद्दा छ । उनीविरुद्ध घरजग्गा व्यावसायी गुनबहादुर थापा (शम्भु)को छोरा सागरले अख्तियारमा मुद्दा दर्ता गरेक हुन् । सिलवालले घरजग्गा व्यावसायी थापालाई बैंकिङ कसुरको मुद्दा लगाएका थिए । भिमफेदि कारागारा पुगेपछि थापाले आफू अन्यायमा परेको भन्दै पत्रकार सम्मेलन गरे । त्यस लगत्तै उनको छोरा सागरले सिलवालविरुद्ध अख्तियारमा उजुरी दर्ता गराए । लागूऔषध नियन्त्रण ब्युरोका प्रमुख डीआईजी जयबहादुर चन्दविरुद्ध पनि अख्तियारमा उजुरी छ । ब्युरोले अपरेशन आइस अन्तर्गत लागूऔषध एम्फेटामाइन मुद्दामा फरार प्रतिवादी धादिङका पूर्णबहादुर पाख्रिन तामाङलाई प्रक्राउ गरेका थिए । पक्राउपछि उनीवाट चन्दले ५० लाख रुपैया माग गरेको भन्दै अख्तियारमा उजुरी परेको छ । चन्दले तामाङवाट करिव तीन लाख मूल्य पर्ने राडो ब्राण्डको हाते घडी पनि लिएको उजुरीमा उल्लेख गरिएको छ । सिलवाल र चन्दपछि आईजीपीको दावेदारमा प्रकाश अर्यालको नाम अगाडि आउँछ । अर्याल पनि विवादबाट मुक्त छैनन् । उनले पहिलोपटक अवैधरुपमा तस्करी भैरहेको ३५ किलो सुन बरामद गरे । तर, सुराकी बापतको कमिसनमा पनि आँखा लगाएको भन्दै अर्याल विवादमा मुछिए । अर्यालले ३५ किलो सुन समातेको विषयलाई छायाँमा पारियो । जसले गर्दा सुन तस्करहरु जोगिए ।
को बन्ला प्रहरी महानिरीक्षक ? विसं २०४४ सालमा प्रहरी निरीक्षकबाट प्रहरीमा प्रवेश गरेका सिलवाल, अर्याल, चन्द र भण्डारी एउटै ब्याजी हुन् । उनीहरु मध्ये नवराज सिलवालको नाम अगाडि छ । चारैजना ०६९ सालमा डीआइजीमा बढुवा भएका थिए । सँगै बढुवा भएकै कारण चारैजनालाई भावी आइजीपीको प्रतिस्पर्धीका रुपमा हेरिएको छ । डीआइजी सिलवाल अध्ययनशिल मानिन्छन् । सिलवालको पहिलो संविधान सभाको निर्वाचनपछि काठमाडौं परिसरको नेतृत्व सम्हालेपछि चर्चा भएको थियो । पुष्पकमल दाहाल प्रचण्ड प्रधानमन्त्री भएकै समयमा उनले काठमाडौँबाट २२ वटा वाइसीएल क्याम्प हटाए । त्यस्तै उनले रातभर चल्ने नांगो डान्ससमेत बन्द गराए । सिलवाल काठमाडौं प्रहरी परिसर प्रमुख हुँदै एसएसपीमा बढुवा भएका थिए । एसएसपी भइपछि उनले पहिलोपटक जनकपुर अञ्चलको कमाण्ड सम्हाले । मधेस आन्दोलनपछि जनकपुर अञ्चलको नेतृत्व सम्हालेका सिलवालले सञ्चार उद्यमी अरुण सिंघानिया हत्याकाण्डको अनुसन्धान गरेका थिए । जनकपुरबाट उनी लागूऔषध नियन्त्रण व्युरोमा सरुवा भए । लागूऔषध व्युरोमा पहिलो पटक नेपालमा विश्वकै सबैभन्दा महंगो लागूऔषध कोकिन बरामद गरेपछि सिलवाल थप चर्चित भए । काठमाडौंमा चरेसको कारखाना चलाएर बसेका देवेन्द्र छापालीलाई उनकै पालामा कार्वाहीको दायरामा ल्याईएको थियो । व्यूराे हुँदै सिलवाल डीआइजीमा बढुवा भए । उनीसँगै प्रकाश अर्याल, जयबहादुर चन्द र बमबहादुर भण्डारी पनि सँगै बढुवा भए । ०६९ सालमा डीआइजीमा बढुवा भएका सिलवाललाई ०७० सालमा दोस्रो पटक संविधानसभाको निर्वाचन गराउन पूर्वक्षेत्रको कमाण्ड सम्हाल्न पठाइएको थियो । पछिल्लो समय सीआइबीको नेतृत्व सम्हालेपछि नक्कली प्रमाणपत्रधारी डाक्टरदेखि पाइलटसम्मलाई कार्वाहीको दायरामा ल्याएका सिलवालले त्रिभुवन अन्तराष्ट्रिय विमानस्थलबाट बाहिरिएको ३४ किलो सुन बरामद गरेपछि उनको चर्चा थप चलेको छ ।
यी हुन सिलवालका प्रतिस्पर्धी हाल ट्राफिक महाशाखामा रहेका प्रकाश अर्याल सिलवालसँगै प्रतिस्पर्धामा छन् । डीआइजी अर्यालले एसपी हँुदा रुपन्देही जिल्लाको नेतृत्व सम्हालेका थिए । त्यहाँबाट एसएसपी भएर लुम्बिनी अञ्चल प्रमुख भएका थिए । ०६९ सालमा डीआइजीमा बढुवा भएका उनले डीआइजी भएलगत्तै सीआइबीको नेतृत्व सम्हाल्न पुगे । बढुवालगत्तै इञ्चार्ज पाउने उनी कम अधिकृतमध्ये पर्छन् । सीआइबीबाट मध्य क्षेत्र पुगेका डीआइजी अर्याल प्रशासनिक काममा बढी दख्खल राख्छन । जयबहादुर चन्द द्वन्द्वकालमा सबैभन्दा बढी उपत्यका बाहिर बस्ने अधिकृत हुन् । पछिल्लो समय औषधि उत्पादन कम्पनीको नाममा ल्याइएको रसायन एवं लागूऔषध तस्करीलाई सप्लाई गरेको भन्दै पवन संघाइको उद्योगमा छापा मारेपछि चन्द चर्चामा आए । चन्द पनि अहिले आइजीपीको होडमा छन् ।
भण्डारी पनि प्रतिस्पर्धामा डीआइजी बमबहादुर भण्डारी उनका ब्याजीमध्ये खासै चर्चामा नरहेका अधिकृत हुन् । संगठनभित्र निकै शालीन मानिएका भण्डारी फिल्डमा भन्दा अनुसन्धानमा दख्खल राख्ने अधिकृत हुन् । त्यसैले उनी पोशाकमा कमै मात्रामा खटिएका छन् । हाल भण्डारी विषेश ब्युरोमै छन् । एसएसपी हुँदा भण्डारीले, लुम्बिनी अञ्चल, डीआइजी भएपछि पश्चिम क्षेत्रको कमाण्ड सम्हालेका हुन् । त्यसबाहेक उनी लामो समय लागूऔषध नियन्त्रण व्यूरो र प्रहरी प्रधान कार्यालयमा रहेको विषेश व्यूरोमा कार्यरत रहे ।
र याे पनि यी ५७ नेपालीलाई जुनसुकै देशमा पक्रन सक्छ ईन्टरपोलले
प्रस्तुतिः सागर बुढाथोकी Bam Bahadur Bhandari Jay Bahadur Chanda Nawaraj Silwal Nepal Police prakash aryal आइजीपीको दौड
