काठमाडौं । लुटपाट गरी फरार भएका सिन्धुपाल्चोकको ईन्द्रावती गाउँपालिका–३ घर भएका ३४ वर्षीय पुस्कर बानियाँलाई प्रहरीले पक्राउ गरेको छ ।

काठमाडौं महानगरपालिका–३१ शान्तिनगर डेरा गरी बस्ने रामेछापको सुनापाती गाउँपालिका–७ घर भएका चण्डेश्वरी खत्रीको डेरा कोठाबाट लुटपाट गरी फरार भएका बानियाँलाई प्रहरीले आइतबार नयाँबानेश्वरबाट पक्राउ गरेको हो ।

प्रहरीले बानिँयाको साथबाट सुनको मंगलसुत्र १ थान, झुम्का २ थान, चाँदीको औंठी १ थान र खुकुरी १ थान र गोली १ राउण्ड समेत बरामद गरेको छ ।
यस सम्बन्धमा प्रहरीले आवश्यक अनुसन्धान गरिरहेको छ ।