काठमाडौँः भारतमा एक कुख्यात अपराधीलाई अदालत परिषरमै गोली हानी हत्या भएको छ । कुख्यात अपराधी बब्लु दुबेको अदालत परिषरमै गोली हानेर हत्या भएको हो ।

भारतको बक्सार कारागारमा सजाय काटिरहेका बल्लुको वास्तविक नाम मितिलेश दुबे हो । उनलाई बिहीबार बेतिया सिभिल अदालतमा पेश गर्न लागिएको थियो । दुबेलाई अदालतमा पेश गर्ने लिएर जाँदै गर्दा तीन जनाको संख्यामा आएका व्यक्तिले गोली हानी हत्या गरेका थिए ।

प्रहरी घेराका बीच लगिएका उनीमाथि अदालत परिसरमै गोली प्रहार भएको हाे । उनको घटनास्थलमै मृत्यु भएको भारतीय सञ्चार माध्यमले जनाएका छन् । मोस्ट वान्टेड सूचीमा रहेका बब्लुलाई २०१३ मा नेपाल प्रहरीले पक्राउ परेको थियो । काठमाडौंबाटै पक्राउ परेका उनलाई एक सातापछि बिहार प्रहरीलाई बुझाइएको थियो ।