दोलखा हत्याकाण्डमा पूर्वराज्यमन्त्री देवी खड्कासहित ४९ जना विरुद्ध जाहेरी दर्ता
वैशाख २८ । दोलखामा एमाले कार्यकर्ता कुलबहादुर तामाङ हत्या प्रकरणमा माओवादी केन्द्रकी नेतृ एवं पूर्वराज्यमन्त्री देवी खड्कालगायत ४९ जनाविरुद्ध किटानी जाहेरी दर्ता भएको छ ।
तामाङका बुवा ५७ वर्षीय गोरे तामाङले खड्कासहित खड्काका भाइ एवं माओवादी जिल्ला इञ्चार्ज विशाल खड्का, ढालबहादुर खड्का, गंगा कार्कीलगायतविरुद्ध किटानी जाहेरी दिनुभएको हो ।
दोलखामा माओवादी कार्यकर्ताको आक्रमणमा मंगलबार राती एमालेका गौरीशंकर गाउँपालिका– २ का वडाध्यक्षका उम्मेदवार गोरे तामाङका छोरा कुलबहादुरको मृत्यु भएको थियो ।
