काठमाडौंः प्रतिबन्धीत भारतीय रुपैयाँ ओसार पसार गर्ने गिरोहका २ जनालाई प्रहरीले पक्राउ गरेका छ । उनीहरूलार्इ प्रहरी प्रधान कार्यालय केन्द्रीय अनुसन्धान व्यूरो, महाराजगन्जले काठमाडौँ बुढानिलकण्ठबाट सोमबार पक्राउ गरेको हो।

पक्राउ पर्नेहरुमा काठमाडौँ बुढानिलकण्ठ नगरपालिका–२ बस्ने भारत हरियानाका ३४ वर्षीय किरण बर्मा भन्ने किरणकुमार सोनी र सोही ठाउँ बस्ने ४० वर्षीय अनिलकुमार सोनी रहेका छन् । विभिन्न नाकाहरू हुँदै अबैध तरिकाले भारतले प्रतिबन्ध लगाएको ५ सय र १ हजार रुपैयाँका नोटहरू नेपालमा भित्राई काठमाडौँ लगायत विभिन्न स्थानहरुमा अबैध रुपमा कारोबार भैरहेको भन्ने सूचनाका अाधारमा उनीहरूलार्इ प्रहरीले पक्राउ गरेको हो । 

ब्यूरोबाट अनुसन्धानमा खटिएको प्रहरीले किरणकुमारको डेरा कोठाबाट ५ सय दरका २ हजार ६ सय थान तथा १ हजार दरका ३ हजार ७ सय ५० थान गरी जम्मा ५० लाख ५० हजार भारतीय रुपैयाँसहित उनीहरुलाई पक्राउ गरेको छ । उनीहरुलाई आवश्यक कारवाहीको लागि ब्यूरोले मंगलबार राजश्व अनुसन्धान विभाग, हरिहर भवन, ललितपुरमा बुझाएको प्रहरी जनाएको छ ।