काठमाडौं । आपूर्ति मन्त्रालय अन्तरगतको आपूर्ति व्यवस्थापन तथा उपाभोक्ता हित संरक्षण विभागका महानिर्देशक कुमार प्रसाद दाहालको निर्देशनमा शुक्रबार काठमाडौंको थापाथलीस्थित रेनाल्ड कारको आधिकारिक बिक्रेता ‘एड्भान्स्ड् आटोमोबाईल्स’ प्रालीमा अनुगमन भएको छ ।

एड्भान्स्ड् अटोमोबाइल्सले बजार मूल्यभन्दा अधिक नाफा राखेर सवारी साधान बिक्री गर्दैआएको सूचनाको आधारमा विभागले उक्त कम्पनीमा अनुगमन गरेको हो ।

विभागका शाखा अधिकृत रामकृष्ण श्रेष्ठको नेतृत्वमा विभागको टोलीले शुक्रबार अनुगमन गरेको हो । विभागको टोलीसँगै संचारकर्मीहरुको टोली समेत थियो ।

अनगमनका क्रममा आवश्यक कागजात तथा वीलविजक नखुलेपछि विभागले कम्पनीका कागजात जपथ गरी तीन दिनभित्र विभागमा स्पष्टिकरणका लागि उपस्थित हुन निर्देशन दिएको छ ।

यस्तो भेटियो अनियमितता

कालोबजारी तथा केही सामाजिक अपराध तथा सजाय ऐन २०३२ मा सामान्य अवस्थामा सयकडा २० प्रतिशतभन्दा बढी नाफा लिन नहुने उल्लेख छ । अनुगमनका क्रममा ऐनले निर्दिष्ट गरेका प्रावधानको अपव्याख्या गरेर ब्यापारीले मूल्य तोकेको भेटिएको हो ।

 

अनुगमनमा आएका विभागका अधिकारलाई कम्पनीका कर्मचारीले असहयोग गुर्नका साथै माग गरेका कागज पत्र उपलब्ध गराउन आनाकानी गर्दै तीन घण्टा कुराएका थिए ।

यस्तै, कम्पनीले सवारीसाधन आयत गर्दा लागेको वास्तविक लागत–खर्चको स्पष्ट विवरण पेश गर्न सकेन भने पहिचान खुलाउने गरी होडिङ बोर्ड नराखेको भेटिएको थियो ।

अनुगमनका क्रममा कम्पनीले भारतबाट तीन लाख १९ हजार ८ सय ९७ भारतीय रुपैयाँमा खरिद गरेको क्याइड् आरएकसटी जिरो एएमटी गाडी २३ लाख ५४ हजार २ सय ९० मा बचेको भेटिएको हो । त्यस्तै डस्टर आरएकई पेट्रोल गाडी ५ लाख एक हजार ४७ भारतीय रुपैयाँमा खरिद गरी ३५ लाख ५८ हजार १७ सयमा बिक्रिबितरण गर्दै आएको छ ।

एड्भान्स्डले कालोबजारी गरेको पुष्टि भए कालोबाजरी ऐन अन्तरगत कारवारहीका लागि सिफारिस गरिने अधिकृत श्रेष्ठले बताए । नेपाल सरकारले तोकेको कुनै माल वस्तुको ब्यापार गर्ने व्यक्तिले माल वस्तु र ब्यापारको प्रचलन अनुसार सामान्यतया सयकडा २० भन्दा बढी मुनाफा लिएको अवस्थामा वा अभावको लाभ उठाइ सो माल वस्तुको अनुचित नाफा लिइ बिक्री गरेमा निजलाई ५ वर्षसम्म कैद वा जरिवाना वा दुवै हुन सक्ने कालोबजारी ऐनमा उल्लखे छ ।

पछिल्लो समय अटोमोबाईल कम्पनीका अधिकृति बिक्रेता तथा डिलरले बजार मूल्यभन्दा अधिक मूल्यमा सवारीसाधन बिक्रीबितरण गर्दैआएको उपभोक्ताले गुनासो गरेका छन् । विभागले गरेका विभिन्न अनुगमनका क्रममा कम्पनीले अनावश्यक विषयमामा खर्च भएको वीलविजक देखाइ उपभोक्तालाई ठगी गर्दैआएको भेटिएको हो ।

कम्पनीहरुले आफूखुसी मूल्य निधारण गर्दै दुई पांग्रे तथा चार पांग्रे सवारीसाधन विक्री बितरण गर्दैआएको विभागका महानिर्देशक दाहाल बताउँछन् ।

 

">

 

व्यवसायीहरुले सवारीसाधनमा कालोबजारी गरेका समाचार आएपछि विभागले अनुगमन कार्यलाई तिब्र बनाएको छ । एक हप्ताको अवधिमा ११ वटा अटोमोबाईल बिक्रेता कम्पनीमा अनुगमान गरी आवश्यक अनुसन्धान सुरु गरेको छ भने केही कम्पनीलाई कारवहीका लागि टेकुस्थित महानगरीय प्रहरी अपराध महाशाखा पठाएको छ ।

(नोटः उपभोक्ता अधिकारसँग जोडिएका सवाललाई नेपालआजले निरन्तर पछ्याउँदैआएको छ । तपाईँका छिमेकी, आफन्त व परिवारमै कोही पनि सदस्य कुनै पनि व्यवसायी वा कम्पनीबाट ठगिएका घटना छन् भने नेपालआजको कार्यालयमा तत्काल सम्पर्क गर्न सक्नुहुनेछ । हामी तपाईँको गोपनीयताको हक सुरक्षित गर्दै त्यस्ता विषयलाई टेक्स्ट वा भिडियोमार्फत समाचार बनाएर प्रस्तुत गर्नेछौँ । ९८५११२०८४४, ०१४४८२४७६, ०१४४८२४७७, ०१४४८२९५१ मा प्रत्यक्ष कल गर्न सक्नुहुनेछ । साथै [email protected] मा इमेल गर्न सक्नुहुनेछ ।)

र यो पनि

कालोबजारी गर्नेहरुलाई यसरी तह लगाउँदैछन् महानिर्देशक दाहालले (भिडियोसहित)

पल्सरको प्रेममा परेका युवालाई यसरी ठग्दो रहेछ बजाजले