सर्लाही । स्राेत नखुलेकाे २० लाख ५७ हजार रूपैयाँसहित सशस्त्र प्रहरी बलकाे टाेलीले महोत्तरी जिल्लाको मनरासिसवा नगरपालिका २ स्थित सुनौलबाट एक जनालार्इ पक्राउ गरेकाे छ । पक्राउ पर्नेमा सर्लाही जिल्लाको मलङ्गवा नगरपालिका ३ बस्ने ३३ वर्षिय नुर आलम रहेका छन् ।

सशस्त्र प्रहरी बल नेपाल बोर्डर आउट पोष्ट पोखरभिण्डाबाट खटिएको एपीएफ टोलीले बा २२ प ९३९२ नम्बरको मोटरसाइकलमा सवार आलमलाई जाँच गर्दा उक्त रकम भेटिएकाे एपीएफले जनाएकाे छ । उनले उक्त रकमको स्रोत खुलाउन नसकेपछि पक्राउ गरिएको हो ।

 

पक्राउ परेका आलमलाई एपीएफ टोलीले बरामद रकमसहितै आवश्यक कारवाहीको लागि स्थानीय प्रहरीमा बुझाएकाे एपीएफले जनाएकाे छ ।