काठमाडौं । काठमाडौंको मछिन्द्रबहालमा आइतबार बेलुका छुराले हानेर एक व्यक्तिको हत्या भएको छ । मछिन्द्रबहाल क्षेत्रका सुरक्षा गार्डका रुपमा काम गर्ने दोलखाका ५३ वर्षिय टुल बहादुर तामाङको हत्या भएको हो।

राती करिब पौने १२ बजे धारिलो हतियारले हानेर हत्या भएको प्रहरीले जनाएको छ। बेहोस अवस्थामा प्रहरीले उनको उद्धार गरी अस्पताल लैजदा उनको मृत्यु भएको थियो ।

इष्ट वेष्ट सेक्युरिटी कम्पनीमा कार्यरत उनलाई मछिन्द्रबहालका व्यवसायीहरुले रातको समयमा सुरक्षाका लागि खटाउदै आएका थिए। अनुसन्धानका लागि ५ जनालाई नियन्त्रणमा लिइएको महानगरीय प्रहरी वत्त जनसेवाका डिएसपी मोहन थापाले बताए।