झापा । झापाको अर्जुनधारा नगरपालिका–४ बस्ने ५५ बर्षीय किशोर दनुवार आइतबार आफ्नै श्रीमतीको हत्या गरेको आरोपमा पक्राउ परेका छन् ।

दनुवारले मादक पदार्थ सेवन गरी ५२ बर्षीय श्रीमती डोमनी दनुवारलाई बेलुका ८ बजेतिर बलिरहेको चिर्पटले हानी हत्या गरेको प्रहरीले जनाएको छ ।

घटनास्थलमा इलाका प्रहरी कार्यालय अनारमनीबाट प्रहरीको टोली पुगेर किशोरलाई नियन्त्रणमा लिएको हो । घटनाबारे थप अनुसन्धान भइरहेको प्रहरीले जनाएको छ ।