दुर्लभ वन्यजन्तु रेड पाण्डाको छालासहित चार जनालाई पक्राउ गरेको छ ।

रेड पाण्डाको छालाको कारोबार गर्नेे बारेमा गोप्य सुचनामा संलग्न व्यक्तिहरुको निग्रानी तथा खोजतलास गर्ने क्रममा अपराध महाशाखाबाटा खटिएको प्रहरी टोलीले का.जि.टोखा नगरपालिका वडा नं.९ बाट ४ जनालाई पक्राउ गरेको हो ।

पक्राउ पर्नेमा २५ वर्षीय उद्धब बस्नेत, २६ वर्षीय ध्रुव कुमार खत्री, २७ वर्षीय विष्णु बहादुर बस्नेत र ३० वर्षीय राजेन्द्र तामाङ रहेका छन् ।

विक्री वितरण गर्ने उद्देश्यले गइरहेको अवस्थामा टोलीले एक थान छाला र एक थान पुच्छरसहित पक्राउ गरेको हो । पक्राउ परेकाहरुलाई आवश्यक कानुनी कारबाहीको लागि जिल्ला वन कार्यालय हात्तिसार काठमाडौँ पठाइएको छ ।