काठमाडौं । नेपाल स्टक एक्सचेञ्जले धितोपत्र कारोवार गर्ने आधारमा दश उत्कृष्ट कम्पनी छनोट गरेको छ । 

 

 

बजार मूल्यका आधारमा नेपाल दूरसञ्चार कम्पनी पहिलो नम्बरमा छ । सो कम्पनीको बजार पूँजीकरण मूल्य एक खर्ब १४ अर्ब ३० करोड रुपैयाँ बराबरको रहेको छ । सरकारी स्वामित्वको नेपाल टेलिकम बजार पूँजीकरणका आधारमा अग्रस्थानमा रहन पुगेको स्टकले जनाएको छ । 

 

 

यस्तै, दोस्रोमा नविल बैंक लिमिटेड रहेको छ । सो बैंकको रु ७५ अर्ब ८८ करोड बराबरको बजार पूँजीकरण मूल्य रहेको छ । तेस्रोमा नेपाल इन्भेस्टमेन्ट बैंक रहेको छ । सो बैंकको ६८ अर्ब बराबरको बजार पूँजीकरण मूल्य रहेको छ । 

 

 

चौथोमा स्ट्यान्डर्ड चार्टड बैंक रहेको छ । त्यसको रु ५५ अर्ब २७ करोड, पाँचौंमा रहेको एभरेष्ट बैंकको ५० अर्ब ६४ करोड ९५ लाख बराबरको बजार पूँजीकरण रहेको छ । 

 

 

 

यस्तै हिमालयन बैंकको ४३ अर्ब ८१ करोड, नेपाल लाइफ इन्स्योरेन्सको रु ४१ अर्ब, नेपाल एसबीआई बैंकको रु ३९ अर्ब ५९ करोड, एनआइसी एसिया बैंकको रु ३४ अर्ब १३ करोड र एनएमबी बैंकको रु ३० अर्ब ६० करोड बराबरको बजार पूँजीकरण रहेको छ । 

 

 

स्टकले यही असोज १२ गतेदेखि असोज १८ गतेसम्मको शेयर मूल्यका आधारमा उत्कृष्ट दश कम्पनी छनोट गरेको हो । शेयर बजारमा गिरावट आए पनि केही कम्पनीको शेयर मूल्य भने तुलनात्मकरुपमा घटेको छैन । 

 

 

यस्तै पछिल्लो एक साताको शेयर कारोवारका आधारमा नेपाल बैंक लिमिटेड अग्रस्थानमा रहेको छ । सो बैंकको चार लाख ६१ हजार कित्ता शेयर खरिद बिक्री भएका छन् । 

 

 

यस्तै प्रभु बैंक लिमिटेड, माछापुछे« बैंक, ग्लोबल आइएमइ बैंक, एनएमबी बैंक, मेघा बैंक, कुमारी बैंक, जनता बैंक, सिभिल बैंक र एनआइसी एशिया बैंकको शेयर कारोवारमा समेत उत्कृष्ट दश कम्पनीमा पर्न सफल भएका छन् । 

 

 

स्टकका अनुसार प्रभु बैंकको ९७८ कित्ता एनएमबी बैंकको ९२७, मेघा बैंकको ८९५ कित्ता, कुमारी बैंकको ७८४, एनआइसी एशिया बैंकको ७७१ कित्ता, नेपाल इन्भेस्टमेन्ट बैंक ७५१ कित्ता, नेपाल लाइफ इन्स्योरेन्सेको ६५५ कित्ता, जनता बैंक लिमिटेडको ६५१ कित्ता, सिभिल बैंकको ६०७ कित्ता र स्ट्यान्डर्ड चार्टड बैंकको ५८२ कित्ता शेयर कारोवार भएको छ । 

 

नेपाल स्टक एक्सचेञ्ज नेपाल दूरसञ्चार कम्पनी