काठमाडौँ । नेपाल प्रहरीको केन्द्रीय अनुसन्धान ब्यूरोले अपहरण मुद्दाका फरार अभियुक्तलाई पक्राउ गरेको छ । 

 

ब्यूरोबाट खटिएको टोलीले पुनरावेदन अदालत पाटनको मिति २०७० वैशाख ३१ को फैसलाले नौ वर्ष कैद र ५० हजार जरिवाना सुनाएका धादिङका २७ वर्षीय सुनिल तामाङलाई शनिबार सिन्धुपाल्चोकबाट पक्राउ गरेको हो । 

 

तामाङले शिवबहादुर खड्कालाई जग्गा बेचेर आएको कमिसनबापतको रकम नदिएको रिसमा अपहरण गरी बन्धक बनाई राखेकाले तामाङविरुद्ध खड्काले जाहेरी दिएकामा अदालतले उक्त फैसला सुनाएको थियो । 

 

पक्राउ परेका तामाङलाई अदालतको आदेशअनुसार आज कैद भुक्तानका लागि जगन्नाथ देवल (केन्द्रीय) कारागार पठाइएको ब्यूरोले जनाएको छ ।