भक्तपुर । भक्तपुर नगरपालिका १ काे दुधपाटी सिद्धपोखरीबाट लागुऔषधसहित ६ जनालाई पक्राउ परेका छन् । महानगरीय प्रहरीकाे गस्ती टोलीले लागुऔषध सेवन तथा खरिद बिक्री गरिरहेको अवस्थामा उनीहरुलाई पक्राउ गरेको हो ।

 

पक्राउ पर्नेमा मकवानपुर हेटौडा उपमहानगरपालिका ६ का बर्ष ३० का आशिष कार्की, सिन्धुपाल्चोक सागाचोक नगरपालिका ९ का वर्ष ३० का रमेश बहादुर खत्री, सिन्धुपाल्चोककै भोटसिपा ३ का वर्ष ३९ का धन भन्ने दिपक श्रेष्ठ, खोटाङ फेदी १ बस्ने वर्ष २२ को दौलत राई, काभ्रेपलाञ्चोक बेथानचोक गाउपालिका ५ का वर्ष २४ को सुमन तामाङ र भक्तपुर नगरपालिका  ६का वर्ष २४ को बिकेश पहरी रहेका छन् ।

 

प्रहरीले नियन्त्रणमा लिई चेकजाँच गर्दा उनीहरुको साथबाट फेनिरगन २ एम एलको थान, डैजेल्याव २ एमएलको १९ थान र नोहोफिन २ एमएलको १९ थान लागुऔषध बरामद भएकोको महानगरिय प्रहरी परिसरका भक्तपुरका प्रवक्ता प्रहरी नायब उपरीक्षक कृष्ण प्रसाईले जानकारी दिएका छन् ।

 

पक्राउ परेका व्यक्ति उपर कानुन बमोजिम प्रक्रिया अगाडी बढाई थप अनुसन्धान भइरहेको प्रहरीले बताएको छ ।