काठमाडौं। खगेन्द्र लामिछाने अभिनीत नयाँ फिल्म ‘डमरुको डण्डीबियो’ को फस्टलुक पोष्टर सार्वजनिक भएको छ । चर्चित अभिनेता तथा लेखक लामिछाने अभिनीत फिल्मको पोष्टर सार्वजनिक भएको हो ।

प्रदर्शन मिति घोषणा नगरिएको फिल्मको रिलिज पोष्टरमा खगेन्द्रलाई डण्डीबियो खेल्दै गरेको अवस्थामा चित्रण गरिएको छ । नेपालमा लोप हुँदै गएको डण्डीबियोको कथालाई फिल्ममा उतारिएको छ ।

फिल्ममा खगेन्द्रका साथमा मेनुका प्रधान, अनुप बराल, वुद्धि तामाङ, लक्ष्मी बर्देवा, अंकित खड्का, नमिता घिसिङ लगायतका कलाकारहरुको अभिनय छ । समृद्धि इन्टरटेन्मेन्टको ब्यानरमा विनोद गुरुङ र सुमी श्रेष्ठ घलेको लगानीमा निर्माण भएको यो फिल्मको ७५ प्रतिशत छायांकन लमजुङको घले गाउँमा भएको हो ।