ज्योती बानियाको खुलासा: कालोबजारीका एजेन्टले कर्मचारी बनेर मन्त्रीलाई नै घेर्दैछन् (भिडियो)

अर्थ भिडियो

ज्योती बानियाको खुलासा: कालोबजारीका एजेन्टले कर्मचारी बनेर मन्त्रीलाई नै घेर्दैछन् (भिडियो)

कालोबजारीको जालो कर्मचारीभित्रैः ज्योती बानियाले गरिदिए खुलासा

बिहिबार, ०१ चैत २०७४ गते प्रकाशित - नेपाल आज (RP)

ज्योती बानियाको खुलासा: कालोबजारीका एजेन्टले कर्मचारी बनेर मन्त्रीलाई नै घेर्दैछन् (भिडियो)

काठमाडौं । उद्योग, वाणिज्य तथा आपुर्ति मन्त्रालय अन्तरगत आपुर्ति व्यवस्थापन तथा उपभोक्ता हित संरक्षण विभागले गर्दैआएको बजार अनुगमन कागजमा मात्रै सिमित रहेको उपभोक्ताकर्मी ज्योती बानियाँले बताएका छन् ।

कुनै समयमा ४५–४६ जना कर्मचारीसमेत रहेको विभागले आफ्नो कार्यक्षेत्र अन्तरगतका कामकारवाहीलाई पूर्णता दिन नसकेकोप्रति उनले दुःख ब्यक्त गरे ।
बजारमा व्यवसायी तथा उद्योगीले कैफियत गरिरहेको अवस्थामा बजारको आपुर्तिको अवस्थालाई नियमन गर्ने निकायले आफ्नो जिम्मवारी पूरा गर्न नसकेकाले बजारको अवस्था गम्भीर रहेको उनको बुझाइ छ ।

पछिल्लो समय बजार अनुगमनबाट जति मुद्दा चल्नु पर्ने थियो, त्यति मुद्दा चल्न नसकेको उनको गुनासो छ । ‘कर्मचारीलाई भत्ता गएको छ । तलब गएको छ । तर आउटपुट अहिले पनि आएको छैन,’ उनले भने ।

सवारी बिक्रेता व्यवसायीले हरेक पटकमा ६ लाखदेखि ४५ लाखसम्म मुनाफा अर्जन गर्ने गरेको भन्दै यस्तो गनुृ कालोबजारी भएको बानियाको तर्क छ ।

भन्सारको मुल्यभन्दा २० प्रतिशत बढी मुनाफा लिन नपाउने भए पनि विभागले गरेको विभिन्न अनुगमनका क्रममा ८३ प्रतिशतसम्म मुनाफा आर्जन गरेको भेटिएकाले त्यस्ता व्यवसायीलाई तत्काल कारवाही र्गुपर्ने उनी बताउँछन् ।

ऐनमा उल्लेख भएअनुसार भन्सारमा उल्लेख गरेको मुल्यबाट २० प्रतिशतभन्दा बढी लियो भने स्वतः कलोबजारी हुन्छ । यस्तो अवस्थामा १५ वर्षसम्म कैदको व्यवस्थाका साथै थुनामा राखेर कारवाही गर्ने व्यवस्थासमेत भएकोमा विभागको अनुगमन र कारवाही प्रक्रिया फितलो रहेको उनको बुझाइ छ ।

बनियाका अनुसार सरकारीपक्षले कानुन कमजोर भएको भन्दै ठगी धन्दा चलाउने ब्यापारीलाई उन्मुक्ति दिँदैआएको छ । तर, ब्यापारीले १५ देखि ३५ लाखमा पाइने सवारीसाधन उपभोक्ताहरुले ५० देखि ६० लाखसम्म किन्न बाध्य पारिएकोले सबैको पहुँचमा सवारीसाधन पुग्न नसकेको बानियाले बताए ।

सरकारी कार्यालयमै छन् ब्यापारीका एजेन्ट

सरकारी कार्यलयमै ब्यापारीका एजेन्टहरु भएको बताउँछन् बानिया । र तिनले नीतिगत रुपमा के–के काम हुँदै छ भन्ने सूचना चुहाउने गरेको बानियाको भनाइ छ । साथै बजार अनुगमन बेठीक भन्ने पनि तिनै एजेन्टहरु भएको ठम्याइ छ बानियाको ।

नेपालमा बजार बजारजस्तै नभएर लुटेर खान पाइन्छ भन्नेले मात्रै बजार चालएको बानियाले बताए । ‘प्रत्येक ब्यापारीले कसरी लुटेर खान पाइन्छ भनेर मात्रै बसिरहेको अवस्था छ । नेपालमा उद्योग छैनन् । बिचैलीयाले मात्रै काम गरेका छन् । यस्तो अवस्थामा दुईले बजार चलिरहेको अवस्था छ । एउटा माफियागिरी र कालोबजारीले बजार चलिरहेको छ । अर्काे त्यस्तो काम गर्ने शक्ति दलाल छन् बढी ।’ बानियाले भने ।

र याे पनि,

► झोलामा अफिस बोकेर ब्ल्याकमेल गर्ने उपभोक्तावादीलाई कारवाही गर्ने मन्त्री यादवको चेतावनी (भिडियो)

► मन्त्री यादवको एक्शनः कालोबजारीलाई जेलसम्म हाल्ने तयारी (भिडियो)

► फोर्ड गाडीमा चर्को ठगी, विभागकै निर्देशक दाहालले दिँदैछन् उन्मुक्ति

► मन्त्रीलाई फन्दामा पार्दै कालोबजारी गर्ने अटोमोबाइल व्यवसायीहरुको यस्तो योजना

► एलडीओलाई ट्वाइलेटमा थुन्ने मन्त्री मात्रिकाले रोक्लान् त अटाेमाेबार्इल्सकाे कालोबजारी ?

► आकाशीयो हुण्डार्इ कार बिक्रेताको कालोबजारी, मूल्य नघटाउने नियत

► गाडी बिक्रेतालाई मस्ती, उपभोक्तालाई सास्ती

► कालोबजारी नगरेको भन्दै नाडाले निकाल्यो विज्ञप्ति

► नाडा महासचिव दुलाल भन्छन्ः हामीलाई नाफा अझै पुगेको छैन (भिडियो)

► ‘रेनल्ड’ गाडीमा ब्रह्मलुट, समाचार लेख्दा सञ्चार माध्यम बन्द गरिदिने धम्की (भिडियो)

► ‘रेनल्ड’ गाडी र 'सुजुकी बाईक'मा ब्रह्मलूट, ८ लाखको गाडीलाई ३५ लाख !