विवाद बढ्दै गएपछि अाफ्नै साथीकाे छुरा हानेर हत्या
बानेश्वरमा छुरा प्रहारबाट एक युवकको हत्या भएको छ।
सर्लाही घर भई बानेश्वरको देवीनगर बस्ने २१ वर्षीय पुरुषोत्तम सेढाईको मंगलबार बेलुका हत्या भएको हो। एउटै घरमा बस्ने व्यक्तिहरुले चक्कु प्रहार गरी उनको हत्या गरेको महानगरीय प्रहरी वृत्त बानेश्वरका डीएसपी रवि पौडेलले बताए।
गफ गरेर बसिरहेको बेला विवाद बढ्दै गएपछि उनीमाथि तरकारी काट्ने चक्कु प्रहार गरिएको थियो। घटनामा संलग्न तीन जनालाई पक्राउ गरिएको डीएसपी पौडेलले बताए।
