मोरङको सुन्दर हरैंचा नगरपालिका–३ का २४ वर्षीय कृष्ण धामीले आफनै बाबु–आमालाई खुकुरी प्रहार गरी घाइते बनाएका छन्।

 

छोराको खुकुरी प्रहारबाट बाबु ५५ वर्षीय राम विलास धामी र आमा ४५ वर्षीया दशमी धामी घाइते भएका हुन्।

 

शनिबार बेलुका ८ बजेतिर सामान्य घरायसी विवाद हुँदा कृष्णले बाबु आमालाई खुकुरी प्रहार गरेका प्रहरीले जनाएको छ। घाइते धामी दम्पतीको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको छ।

 

अभियुक्त कृष्णलाई इलाका प्रहरी कार्यालय बेलबारीले नियन्त्रणमा लिई थप अनुसन्धान गरिरहेको छ।