भक्तपुरको एक पसलमा तीन लाख रुपैयाँ चोरी गरेको आरोपमा ४ जना पक्राउ परेका छन्। 

 

भक्तपुर चाँगुनारायण नगरपालिका–६ बस्ने २२ बर्षीय गणेश लामा, २१ बर्षीय लच्छु कार्की, २३ बर्षीय अनिल मगर, २४ बर्षीय सुमन तामाङ र २१ बर्षीय रुपक तामाङलाई प्रहरीले पक्राउ गरेको छ । 

उनीहरुले शनिबार काभ्रे मण्डन देउपुर नगरपालिका–२ स्थित सानुकान्छा तामाङको पसलबाट नगद ३ लाख रुपैया चोरी गरेको प्रहरीले जनाएको छ। 

 

प्रहरीले उनीहरुबाट नगद १ लाख ६ हजार २ सय १० रुपैयाँ, केही बिदेशी मुद्रा, सुनको सिक्रि, औंठीलगायत धनमाल बरामद गरेको छ।