ललितपुर । जन प्रतिनिधिहरूका अनेक समाचार अाइरहँदा ललितपुरकाे गोदावरी नपा–८ डुकुछापका वडा अध्यक्षले पत्रकारमाथि आक्रमणको प्रयास गरे ।

 

शनिबार रिर्पोटिङका क्रममा डुकुछापमा रहेको दनुवार बस्तीमा जाँदै गरेका पत्रकार शिवहरि घिमिरे र रामहरि कार्कीलाई वडाध्यक्ष सुकबहादुर लामा लगायतले हातपातको प्रयास गरेका हुन् । अवैध बालुवा खानी सञ्चालकको टोली पनि वडा अध्यक्षसँगै मिसिएर धम्क्याउँदै हातपातको प्रयास गरेको बताइएकाे छ ।

 

आफूहरुमाथि आक्रमण हुन लागेपछि पत्रकार घिमिरेले तुरुन्तै महानगरीय प्रहरी परिसर जावलाखेलका एसएसपी गणेश ऐरलाई जानकारी गराएकाे बताएका छन् ।

 

लगत्तै असई कृष्णबहादुर सिटौला नेतृत्वको टोली त्यहाँ पुगेर सुरक्षा दिएकाे बताइएकाे छ । पत्रकारहरूका अनुसार उनीहरूले बालुवाखानीमा भइरहेकाे मनाेपाेलीबारे तस्वीर  खिच्ने क्रममा हातपात प्रयास भएकाे थियाे ।