काठमाडौं । सात व्यक्तिकाे हत्यामा संलग्न सिरियल किलर सकिल हुसेन मियाँलाई कतारमा पक्राउ गरी नेपाल ल्याइएको छ । सकिल ०६४ सालदेखि फरार थिए ।

उनलाई अन्तर्राष्ट्रिय प्रहरी संगठन (इन्टरपोल) को कतार शाखाले पक्राउ गरेेका थियाे । कतार शाखाले इन्टरपोल नेपालको जिम्मा लगाएसँगै आइतबार उनलाई नेपाल ल्याइएको हाे । हुसेनलाई आजै अदालतमा पेश गर्ने तयारी गरिएको छ ।

 

प्रहरीको मोस्ट वान्टेड सूचीमा रहेका सकिल टिकुलिया–७, सप्तरीका हुन् । उनले आफ्नै ससुरा र सासुको समेत हत्या गरेका थिए ।