सुनका गरगहना र नगद चोरी गरेको आरोपमा प्रहरीले एक जनालाई पक्राउ गरेको छ ।

 

याे खबर रूपन्देहीकाे हाे । जिल्ला प्रहरी कार्यालयका अनुसार १३ तोला सुनका गरगहना तथा ७५ हजार रुपैयाँभन्दा बढी नगद चोरी गरेको आरोपमा सिद्धार्थनगर नगरपालिका–२, मेउडिहवाका ३० वर्षीय जालन्धर कोहारलाई पक्राउ गरिएको हो ।

 

पक्राउ परेका कोहारबाट १३ तोला बराबरको सुनका गरगहना तथा ५१ हजार रुपैयाँ बरामद भएको छ । उनले सिद्धार्थनगर नगरपालिका–५ का श्रीचन्द गोयन्काको घरबाट १३ तोलाका सुनका गरगहना र पवन मिष्ठान्न भण्डारबाट ७५ हजार नगद चोरी गरेको प्रहरीले बताएको छ ।