काठमाडाैं । शनिबार राति बसुन्धरामा एउटा जीपले मोटरसाइकललाई ठक्कर दिएकाे स्थानमा प्रहरीले अनुसन्धान गर्ने क्रममा घटनास्थलबाट एउटा पेस्तोल बरामद गरेको छ ।

 

लमजुङको सुन्दरबजार-३ घर भई हाल काठमाडौंको गैरीधारा बस्ने ४२ वर्षीय सुमन थापाइ प्रहरीले पक्राउ गरेकाे हाे । उनले चलाएको बा ३ च १६५४ नम्बरको निशान जीपले बा ४० प ५७७५ नम्बरको मोटरसाइकललार्इ शनिबार राति सवा ११ बजे ठक्कर दिएपछि महाराजगञ्जको प्रहरी टोली घटनास्थल पुगेको थियो ।

 

ठक्कर दिने जीप चालकलार्इ नियन्त्रणमा लिन चेकजाँच गर्दा अगाडिको सिटबाट ‘अटो पेस्तोल यूएसए’ लेखिएको एकथान पेस्तोल बरामद भएको बताइएकाे छ । पेस्तोलसँगै एक थान म्यागजिन र ३ राउन्ड गोलीसमेत बरामद भएको छ ।

 

 

दुर्घटना पेस्ताेल बरामद