विप्लव नेतृत्वको नेकपाको बन्दः काठमाडौंमा बिहानैदेखि चहलपहल (फोटोफिचर)
काठमाडौं । नेत्रविक्रम चन्द विप्लव नेतृत्वको नेकपाले आह्वान गरेको नेपाल बन्दको प्रभाव काठमाडौंमा खासै परेको छैन । राजधानी काठमाडौंका अधिकांश सडक, गल्लीहरुमा बिहानैदेखि चहलपहल छ ।
मोटरसाइकल, ट्याक्सी, ठूला बस, ढुवानीका साधनहरु निर्वाध सञ्चालनमा छन् । स्कुल÷कलेज ठप्प छन् । निजी चार पांग्रे फाटफुट मात्रै चलेका छन् ।
सडक र बजारमा बिहानको दृश्यले मंगलबार नेपाल बन्द हो भन्ने छनक दिँदैन ।
तर डोटी, नवलपुर आदि ठाउँमा विप्लवका कार्यकर्ताले गाडीमा आगजनी गरेको खबर छ । जाजरकोटको खलंगामा माओवादी कार्यकर्ताले खाली ठाउँमा बम पड्काएका छन् ।
सो पार्टीका नेता खड्ग विश्वकर्मा (प्रकाण्ड)लाई चन्दा आतंक मच्चाएको अभियोगमा प्रहरीले पक्राउ गरेपछि नेकपा आन्दोलनमा छ । नेकपाका अधिकांश ठूला नेता अहिले कि जेलमा छन् कि भूमिगत छन् ।
