२० रुपैयाँ दरका २४ करोड थान नयाँ नोट छापिँदै
काठमाडौंः नेपाल राष्ट्र बैंकले २० रुपैयाँ दरको ४ अर्ब ८० करोड रुपैयाँ बराबरको २४ करोड थान नयाँ नोट छाप्ने भएको छ ।
केन्द्रीय बैंकले २० रुपैयाँ दरका २४ करोड थान नोट छाप्न बोलपत्र आह्वान गरेको हो । हरेक नोट तीन वर्षका लागि छपाउने राष्ट्र बैंकको प्रचलनअनुसार आगामी तिन वर्षका लागि हुने गरी नयाँ नोट छाप्ने बोलपत्र आह्वान गरेको हो ।
यसअघि सन् २०१६ मा समेत केन्द्रीय बैंकले २० रुपैयाँ दरका नोट २१ करोड थान नोट छापेको थियो । नेपाली नोट छाप्न बैंकले बोलपत्र आह्वान गरे पनि नेपालमा भने सुरक्षित मुद्रण नभएका कारण अन्तर्राष्ट्रिय कम्पनीहरुले मात्र बोलपत्रमा सहभागी हुन पाउनेछन् । यसअघि चीन, वेलायत लगायतमा रहेका कम्पनीहरुले नेपाली नोट छाप्ने गरेका थिए ।
नेपाल राष्ट्र बैंक नयाँ नोट २० रुपैयाँ
