काठमाडौँ । प्रधानमन्त्री केपी शर्मा ओलीले घनश्याम भुषाललाई मन्त्री नियुक्त गरेको एक महिना पुग्न लागेको छ । भुषाल कृषि तथा पशुपन्छी विकास मन्त्री हुन् । तर कृषि मन्त्रालयले अझै मन्त्री चिनेको छैन ।

मन्त्रालयको वेभसाइटमा निवर्तमान चक्रपाणि खनाल मन्त्री भनेर राखिएको छ। गत मंसिर–४ मा प्रधानमन्त्रीले खनालसहित केही मन्त्री हटाएर भुषाललाई  कृषि तथा पशुपन्छी विकास मन्त्रीका रुपमा नियुक्त गरेका थिए।

मन्त्रालयको आधिकारिक वेवसाइट https://mold.gov.np/ne मा भने अहिले पनि मन्त्री चक्रपाणि खनाल रहेका छन्।

सूचना प्रविधिमा कर्मचारी अपडेट नभएर हो वा मन्त्री नै नचिनेर हो वेभसाइट अपडेट छैन । मन्त्रालयका आधिकारिक सूचना राखिने वेभसाइटकै यस्तो हविगत भएपछि त्यहाँबाट प्राप्त हुने सूचना कत्तिको भरपर्दो होला ?