डा. गोविन्द केसी रौतहटमा सरकारका कार्यकारी प्रमुख सहित महत्वपूर्ण नेताहरु बाढीपीडितप्रति वक्तव्य निकालेर सहानुभूति देखाइरहेका बेला सत्तारुढहरुका नजरमा विझाइरहने पात्र प्रा.डा. गोविन्द केसी यतिबेला घामपानी नभनी बाढीपीडितको उपचारमा व्यस्त छन् । 

आफ्नै खर्चमा किनिएको औषधिसहितका सामग्री लिएर उनी सार्वजनिक यातायात चढेर रौतहट पुगेका हुन् । बाढीले क्षति पु¥याएको खबर सुन्नासाथ उनी त्यसतर्फ लागेका हुन् । डा. केसीको मानवीय उच्च सेवाको बाढीपीडितहरुले उच्च प्रशंसा गरेका छन् । 

केन्द्र सरकार हवाई निरीक्षण, प्रदेश सरकार र स्थानीय निकाय यतिबेला आर्थिक वर्षको नाफा घाटा मिलाउन व्यस्त भएको अवस्थामा डा. केसीको सेवाभावले पीडितहरुलाई राहत दिएको छ । डा. केसीले बन्जरहाको स्थानीय स्वास्थ्य चौकीमा बसेर सेवा दिइरहेका छन् । एकातिर गर्मी मौसम, अर्कातिर बाढीको प्रकोप रहेको अवस्थामा सरकारका कुनै पनि निकायले स्वास्थ्य शिविर चलाएका छैनन् । 

देशका दुई पूर्वप्रधानमन्त्री शेरबहादुर देउवा र माधवकुमार नेपाल नेतृत्वको टोली हवाई र स्थल अवलोकनको औपचारिकता पूरा गरेर फर्किसकेका छन् । राहत सामग्री विना पीडित माझ जाँदा विरोध हुन्छ भनेर उनीहरु बाढी पीडितलाई नभेटी फर्केका थिए । 

डा. गोविन्द केसी बाढीपीडित